Bakı. Trend:
ABŞ Hərbi Hava Qüvvələri ötən gün Yəmənin husi üsyançılarının dörd raket buraxılış məntəqəsini məhv etmək üçün dronlardan istifadə edib.
Trend-in məlumatına görə, bu barədə "Bloomberg" agentliyi adı açıqlanmayan ABŞ rəsmilərinə istinadən bildirib.
Məlumata əsasən, zərbələr husilərin bazar ertəsi Ədən körfəzində ABŞ-da yerləşən "Eagle Bulk Shipping" şirkətinə məxsus "Gibraltar Eagle" konteyner gəmisini raketlə vurmasından sonra endirilib.
Lakin hökumət rəsmiləri ABŞ-ın cavab zərbələrinin nə dərəcədə uğurlu olduğunu dəqiqləşdirməyiblər.