Bakı. Trend:
Bu gün BƏƏ-də şahmat üzrə “Dubai Police Global Chess Challenge” turniri start götürəcək.
Trend İdman.biz-ə istinadən xəbər verir ki, 3 kateqoriya üzrə təşkil olunacaq yarışda Azərbaycan 7 zəka sahibi ilə mübarizə aparacaq.
Ən güclülərin mübarizəsində Eltac Səfərli (2612), Aydın Süleymanlı (2607) və Əhməd Xaqan (2321) çıxış edəcək. Ayan Allahverdiyeva (2152) ilə Kamal İsfəndiyarlı (1836) B kateqoriyasında lövhə arxasına keçəcək.
18 yaşına qədər olan şahmatçılar arasında isə Məhəmməd Kazımzadə və Elşad Yusif Əliyev iştirak edəcək.
Qeyd edək ki, İsveçrə sistemi ilə keçiriləcək yarış 9 turdan ibarət olacaq. Ümumi mükafat fondu 125 min dollar olan turnir mayın 13-də başa çatacaq.