Bakı. Trend:
Xorvatiyada 151 yerlik Sabora (parlament) erkən seçkilər keçiriləcək.
Trend-in məlumatına görə, 3,7 milyon Xorvatiya vətəndaşı səsvermə hüququndan istifadə edə biləcək, ölkədə onlar üçün 6,5 min seçki məntəqəsi açılacaq.
Məntəqələr yerli vaxtla 07:00-dan 19:00-a kimi açıq olacaqlar. 41 ölkədə daha 110 seçki məntəqəsi açıqdır, onlardan bəziləri bu həftənin əvvəlində səs verməyə başlayıb.