Bakı. Trend:
Yeddilik (G7) ölkələrinin liderləri Fələstinin HƏMAS qrupunu ABŞ prezidenti Co Baydenin təklif etdiyi İsraillə atəşkəs razılaşmasını qəbul etməyə çağıracaqlar.
Trend bu barədə xarici KİV-lərə istinadən xəbər verir.
Məlumata görə, G7 ölkələri bu həftə keçirəcəkləri illik toplantının sonunda açıqlayacaqları kommünikedə də İsraili Rəfah şəhərində genişmiqyaslı hərbi hücumdan sonra gərginliyi azaltmağa çağıracaqlar.
G7-nin dili İsrailin baş naziri Benyamin Netanyahunu rəsmi olaraq atəşkəs təklifini qəbul etməyə məcbur etmək məqsədi daşıyır.