Bakı. Trend:
Paraqvay prezidenti Santiaqo Pena sinə ağrıları səbəbindən Rio-de-Janeyroda keçirilən G20 zirvəsini təcili yardım maşını ilə tərk edib.
Trend-in məlumatına görə, bu barədə "Ultima Hora" qəzeti xəbər verib.
Məlumata görə, dövlət başçısı ürək nahiyəsində ağrılardan şikayətlənib. Pena xəstəxanaya yerləşdirilməzdən əvvəl sammitin keçirildiyi Müasir İncəsənət Muzeyində həkimlər briqadası tərəfindən müayinə olunub.
Elektrokardioqramma nəticəsində anomaliya aşkarlanıb və prezidentin özəl xəstəxanaya göndərilməsinə qərar verilib.