Bakı. Trend:
Yeni Zelandiyanın xarici işlər naziri Uinston Piters Ukraynadakı vəziyyətlə əlaqədar Rusiya şirkətlərinə və fiziki şəxslərə qarşı əlavə sanksiyaların tətbiq olunduğunu açıqlayıb.
Trend-in məlumatına görə, bu barədə nazirin açıqlamasında bildirilib.
"Bu əlavə sanksiyalar Rusiyanın hərbi-sənaye kompleksi və energetika sektorunda iştirak edən 52 fiziki və hüquqi şəxsə qarşı yönəlib", - deyə Pitets qeyd edib.
O, həmçinin, Vellinqtonun sözlərinə görə, Rusiya hərbi-sənaye kompleksinin dəstəklənməsi ilə məşğul olan bir sıra Şimali Koreya vətəndaşlarına qarşı da sanksiyalar elan edib.
Bundan əlavə, Yeni Zelandiyanın xarici işlər naziri Dünya Bankı tərəfindən idarə olunan Ukraynaya Yardım, Bərpa, Yenidənqurma və İslahat Etimad Fonduna 3 milyon Yeni Zelandiya dolları (1,7 milyon ABŞ dolları) məbləğində əlavə pul ödədiyini açıqladı.