Bakı. Trend:
ABŞ-də “Ən sərrast atıcı”, “Əbədi Betmen”, “Çarpışma” , “Kabus və Kölgə” kimi Hollivud filmlərində yaratdığı obrazlarla məşhurlaşan amerikalı aktyor Val Kilmer 65 yaşında dünyasını dəyişib.
Trend xəbər verir ki, bu haqda ABŞ KİV məlumat yayıb.
Aktyorun qızı Mersedes Kilmer “The New York Times” nəşrinə verdiyi açıqlamada atasının pnevmaniyadan dünyasını dəyişdiyini bildirib.
Aktyorda bundan əvvəl 2014-cü ildə qırtlaq xərçəngi aşkarlanmışdı. O, xəstəliyə qalib gəlsə də, səsini itirmişdi və buna görə aktyorluq fəaliyyətini əvvəlki kimi aktiv şəkildə davam etdirə bilmirdi.