Bakı. Trend:
ABŞ administrasiyası bəzi banklara və Venesuela hökumətinə qarşı birtərəfli sanksiyaları yumşaldıb.
Trend-in məlumatına görə, bununla bağlı ABŞ Maliyyə Nazirliyinin Xarici Aktivlərə Nəzarət İdarəsi eyni məzmunlu iki ümumi lisenziya verib.
Bu sənədlərdən birində deyilir ki, Vaşinqton müəyyən şərtlərlə Venesuela hökuməti ilə kommersiya müqavilələrinin bağlanmasına icazə verib. Lakin bu cür fəaliyyətlər həyata keçirilərkən Rusiya, İran, Şimali Koreya və Kubada yerləşən şəxslərlə əməliyyatlar qadağandır. Bundan əlavə, Çində və ya onun yurisdiksiyası altında yerləşən təşkilatlarla əməliyyatlar qadağandır. ABŞ Maliyyə Nazirliyinin əməliyyatları təsdiqlədiyi Venesuela banklarının siyahısına dörd belə qurum daxildir.