Fələstin Milli Administrasiyasının (FMA) lideri Mahmud Abbas iyunun 22-də İsrailin baş naziri Exud Olmertlə görüşəcək. Bu barədə Fələstin muxtariyyatının rəsmi nümayəndələri xəbər verib. Görüş iqtisadi konfrans çərçivəsində İordaniyanın Petra şəhərində olacaq. Trend in verdiyi xəbərə görə, ilk dəfədir ki, E.Olmert İsrail hökümətinin başçısı qismində Fələstin Milli Administrasiyasının (FMA) lideri Mahmud Abbas ilə görüşür.
Associated Press-in verdiyi xəbərə görə, İsrailin hökümət orqanları bu məlumatı hələ təsdiq etməyiblər.