Bu yaxınlarda Kiprdə ingilis dilli məktəbdə təhsil alan türk məktəblilərinə hücumla əlaqədar Türkiyə XİN-in mətbuat katibi Namiq Tan bəyan edib ki, hadisələr son zamanlar yunan liderlərinin yaratdığı siyasi düşmənçiliyin nəticəsidir.
Trend in Ankaradakı xüsusi müxbirinin xəbər verdiyi kimi, o vurğulayıb ki, 18-25 yaşlı yunan gəncləri arasında aparılmış sorğu zamanı 61% bildirib ki, Türk icması ilə birgə yaşamaq istəmirlər. N.Tan qeyd edib ki, yunan gənclərinin türklərə qarşı düşmən münasibət bəsləməsinə Kiprdə yaxınlaşma və əməkdaşlığın genişləndirilməsi zərurəti daha çox hiss olunduqda təkan verilir.