Moskva. Azad Həsənli - Trend:
2016-cı ilin sonunadək “Azərbaycan Hava Yolları” QSC (AZAL) 2 milyon sərnişin daşımağı planlaşdırır.
Trend-in məlumatına görə, bunu Moskvada mətbuat konfransında AZAL-ın vitse-prezidenti Eldar Hacıyev deyib: “2014-cü ildə biz 1,7 milyon, 2015-ci ildə 1,8 milyon sərnişin daşımışıq. Bu il isə artıq sərnişinlərin sayı 1,9 milyona çatıb”.
E.Hacıyevin sözlərinə görə, bu gün AZAL-ın aviaparkına 23 təyyarə daxildir, yaxın dörd ildə daha 12 təyyarənin əlavə olunması planlaşdırılır.