Azərbaycan, Bakı, 15 iyun /Trend/
Avropa Birliyinin media qurumu olan və təşkilat tərəfindən maliyyələşdirilən commonspace.eu saytı Avropa Oyunları ilə bağlı redaktor şərhi dərc edib.
Trend-in məlumatına görə, Ermənistanın Avropa Oyunlarında iştirakından bəhs edən məqalədə Oyunlar yüksək profilə malik böyük miqyaslı idman yarışı adlandırılıb.
İnternet resurs Avropa Birliyinin Ermənistanın bu yarışlarda iştirak etmək üçün Azərbaycana gəlməsini və Azərbaycanda onlar üçün yüksək təhlükəsizlik şəraiti təşkil edilməsini, ölkədə buna etiraz ab-havasının olmamasını yüksək dəyərləndirib.