Azərbaycan, Bakı, 3 aprel /Trend/
Maltanın "Eurovision 2012" təmsilçisi Kurt Kalleya (Kurt Calleja) müsabiqəyə əzmlə hazırlaşır.
Trend eurovision.az saytına istinadən xəbər verir ki, bu ay Kurt Amsterdama səfər edəcək. Bundan öncə isə Malta təmsilçisi aprelin 14-də paytaxt Vallettada pərəstişkarları ilə görüşəcək.
Təmsilçi paytaxtda açıq havada öz komandası ilə birgə çıxış edəcək.
Qeyd edək ki, Kurt Kalleya Bakıda "This is the night" adlı mahnını oxuyacaq. Onun çıxışı ikinci yarımfinalda olacaq.