...

Azərbaycanda Mədəniyyət üzrə Elmi-Metodiki və İxtisasartırma Mərkəzi yaradılır

Mədəniyyət Materials 17 Noyabr 2018 12:13 (UTC +04:00)
Azərbaycanda Mədəniyyət üzrə Elmi-Metodiki və İxtisasartırma Mərkəzi yaradılır.
Azərbaycanda Mədəniyyət üzrə Elmi-Metodiki və İxtisasartırma Mərkəzi yaradılır

Bakı. İlhamə İsabalayeva - Trend:

Azərbaycan Mədəniyyət Nazirliyinin tabeliyində Mədəniyyət üzrə Elmi-Metodiki və İxtisasartırma Mərkəzi yaradılır.

Trend-in məlumatına görə, bu barədə Nazirlər Kabinetinin müvafiq qərarında deyilir.

Qərara əsasən, Mədəniyyət Nazirliyinin təklifinə əsasən nazirliyin tabeliyində olan Mədəniyyətşünaslıq üzrə Elmi-Metodiki Mərkəz və Respublika Mədəniyyət Müəssisələri İşçilərinin Hazırlıq və İxtisasartırma Mərkəzi ləğv edilərək, onların əsasında Mədəniyyət üzrə Elmi-Metodiki və İxtisasartırma Mərkəzi yaradılır.

Mədəniyyət üzrə Elmi-Metodiki və İxtisasartırma Mərkəzinin işçilərinin say həddi 94 ştat vahidi müəyyən edilir.

Mədəniyyət Nazirliyi bir ay müddətində Mədəniyyət üzrə Elmi-Metodiki və İxtisasartırma Mərkəzinin Əsasnaməsini və strukturunu təsdiq edəcək, eləcə də bu qərardan irəli gələn digər məsələləri həll edəcək.

Məqalədə:
Xəbər lenti

Xəbər lenti