...

Qazaxıstanlı politoloq: Seçkilərdə hakim partiya səs çoxluğu qazana bilər

Seçki 2015 Materials 28 Oktyabr 2015 12:17 (UTC +04:00)
“Hakim Yeni Azərbaycan Partiyası noyabrın 1-də keçiriləcək parlament seçkilərində böyük səs çoxluğu qazana bilər”.
Qazaxıstanlı politoloq: Seçkilərdə hakim partiya səs çoxluğu qazana bilər

Azərbaycan, Bakı, 28 oktyabr /Trend/

"Hakim Yeni Azərbaycan Partiyası noyabrın 1-də keçiriləcək parlament seçkilərində böyük səs çoxluğu qazana bilər". Trend-in məlumatına görə, bunu Seçki-2015.az saytına qazaxıstanlı politoloq, "Avrasiya Dünyası" İctimai Fondunun rəhbəri Eduard Poletayev deyib.

E.Poletayev bildirib ki, seçkilərdə ən vacib siyasi prosedur cəmiyyəti birləşdirmək və hakimiyyətə etimad göstərməkdir: "Kənardan hiss olunur ki, Azərbaycanda bu prosedur kifayət qədər ciddidir. Bu, Yaxın Şərqdə gərginliyin artdığı və dünya bazarında neftin qiymətinin düşdüyü bir vaxtda çox vacibdir. Azərbaycandakı seçkilər əhəmiyyətli rəqabət mühiti ilə seçilir. Bu gun faktiki 1 mandat uğrunda 6 namizəd mübarizə aparır".

Fondun rəhbəri parlament seçkilərinin nəticələrinin Azərbaycan-Qazaxıstan əlaqələrinə hər hansı təsir edəcəyini inandırıcı saymadığını bildirib: "Bu əlaqələr artıq uzun müddətdir ki, konstruktivliyi ilə fərqlənir. Qazaxıstan Mərkəzi Asiyada Azərbaycanın ən vacib tərərfdaşıdır. Qazaxıstanda kifayət qədər azərbaycanlı yaşayır, iqtisadi-ticari əlaqələr yüksək səviyyədədir. Xəzər hövzəsilə bağlı dialoq davam edir. Bununla belə, siyasi güclər Azərbaycanla Qazaxıstan münasibətlərinə təsir etmir".

Məqalədə:
Xəbər lenti

Xəbər lenti