Bakı. İlhamə İsabalayeva - Trend:
Profilaktik baxımdan koronavirusa (COVID-19) görə verdiyi ilk test nəticəsi müsbət olan Prezident Administrasiyasının Humanitar siyasət, diaspor, multikulturalizm və dini məsələlər şöbəsinin müdiri Fərəh Əliyeva təkrar testdən keçirilib.
TƏBİB-dən Trend-ə verilən məlumata görə, F.Əliyevadan tibbi protokola əsasən təkrar test götürülüb və təkrar testin nəticəsi neqativ olub.
COVİD-19 üçün götürülən ilkin testin nəticəsi müsbət olduğundan o, tibbi protokola əsasən, 14 gün müddətində ev şəraitində izolyasiyaya alınıb.
Hazırda vəziyyəti stabil olan F.Əliyevada xəstəlik simptomları qeydə alınmayıb.