Bakı. Trend:
Azərbaycanda yaşayış minimumu və ehtiyac meyarı artırılacaq.
Bu barədə Trend-ə açıqlamasında Milli Məclisin Əmək və sosial siyasət komitəsinin sədri Musa Quliyev məlumat verib.
Komitə sədri qeyd edib ki, 2026-ci il üçün yaşayış minimumu və ehtiyac meyarı ölkə üzrə 300 manat olacaq.
“Yaşayış minimumu əmək qabiliyyətli əhali üçün 317, pensiyaçılar üçün 245, uşaqlar üçün 260 manat olacaq”, - deyə M.Quliyev vurğulayıb.
Məlumat üçün bildirək ki, 2025-ci ildə yaşayış minimumu və ehtiyac meyarı 285 manat müəyyənləşdirilib.