...

Azərbaycanda qəzaya uğramış təyyarənin pilotunun cəsədinin tapıldığı ehtimal olunur

Hadisə Materials 29 İyul 2008 12:31 (UTC +04:00)

Azərbaycan, Bakı,29 iyul / Trend , müxbir K. Zərbalıyeva/ İyulun 28 -də saat 19 radələrində Xəzər dənizinin Siyəzənin Kiçik Həmyə kəndi ərazisindəki hissəsində suyun üzərinə çıxmış insan skeleti tapılıb.

Siyəzən rayon prokurorluğunun böyük müstəntiqi Fazil Həsənov çərşənbə axşamı Trend -a bildirib ki, skeletin yanvarın 29-da Xəzər dənizinin Şurabad hissəsində qəzaya uğramış MiQ -29 hərbi təyyarəsinin pilotlarından birinə - Fəxrəddin Əsgərova məxsus olması ehtimalının araşdırılır.

Həsənov bildirib ki, skletin pilota məxsus olduğunu müəyyənləşdirmək üçün təyin olunmuş tibbi ekspertizanın rəyindən sonra bu ehtimal təsdiq oluna bilər.

Bu ekspertiza zamanı müəyyən əsaslar əldə olunarsa, sümüklərdən götürülən nümunələr genetik ekspertiza üçün Moskva Ekspertiza İnstitutuna göndəriləcək.

Yanvarın 29-da təlim uçuşları zamanı MiQ-29 təlim-döyüş təyyarəsi Xızı rayonunun Şurabad qəsəbəsi yaxınlığında qəzaya uğrayaraq, Xəzər dənizinə düşüb. Qəzada pilotlar - Fəxrəddin Əsgərov və Əfqan Aslanov həlak olublar. Əfqan Aslanovun cəsədi hadisədən təxminən bir ay sonra çıxarılsa da, Fəxrəddin Əsgərovun axtarışları davam etdirilirdi.

Müəlliflə əlaqə saxlamaq üçün elektron ünvan - [email protected]

Xəbər lenti

Xəbər lenti