...

Bakı sakinləri biznes qurmaq adı ilə banklardan külli miqdarda pul mənimsəyiblər

Hadisə Materials 8 Yanvar 2009 17:42 (UTC +04:00)

Azərbaycan, Bakı, 08 yanvar / Trend , müxbir S.Kazımlı/ Bakı sakinlərinin paytaxtdakı banklardan külli miqdarda pul  mənimsəmələri faktı araşdırılır. Dələduzluq edən şəxslər götürdükləri pulları banklara qaytarmamaqda təqsirli bilinirlər. Bu barədə Səbayel rayon Polis İdarəsindən (RPİ) cümə axşamı Trend - a məlumat verilib.

RPİ - dən bildiriblər ki, 2007-ci ilin mayında Bakı sakinləri Toğrul Mustafayev və Fərid Rüstəmov biznes qurmaq adı ilə Bakı sakinləri Almaz Əliyevanın və Vüqar Əliyevin mənzillərini girov qoyaraq, "Azəri Qaz" bankından 80 min dollar, "Bank Respublika"dan 50 min manat pul götürüblər və sonra pulları geri qaytarmayıblar.

RPİ - dən əlavə ediblər ki, hələlik hadisə ilə bağlı cinayət işi başlanılmayıb və saxlanılan yoxdur. Faktla bağlı Səbayel RPİ - də araşdırma aparılır.

Məqalə müəllifi ilə əlaqə ünvanı:[email protected]



Xəbər lenti

Xəbər lenti