Azərbaycan, Bakı, 21 aprel /Trend/
Çərşənbə günü Türkiyənin Konya şəhərində 9-14 yaşlı 16 məktəbli saqqızdan zəhərlənib. Trend-in məlumatına görə, bu barədə "Vətən" qəzeti yazıb.
Şagirdləri xəstəxanaya çatdırıblar və onlara lazımi yardım göstərilib. Məktəblilərin bəzilərini həmin gün buraxıblar.
Məktəblilərin şagirdlərdən birinin məktəbə gətirdiyi saqqızdan zəhərləndikləri müəyyənləşdirilib.
Zəhərlənənlərdən birinin valideyninin şikayətinə əsasən, Konya şəhərinin prokurorluğu tərəfindən cinayət işi qaldırılıb.