Azərbaycan, Bakı, 5 may /Trend, müxbir K.Zərbalıyeva/
Könüllü Hərbi Vətənpərvərlik Texniki İdman Cəmiyyətinin Zaqatala rayon Avtomobil Sürücülük Məktəbinə məxsus "ZİL-130" markalı yük avtomaşını aşıb.
Daxili İşlər Nazirliyinin mətbuat xidmətindən Trend-ə verilən məlumata görə, dünən saat 10.55 radələrində Zaqatala şəhər sakini Fazil Mollaçiyev avtomobili idarə edərkən Balakən rayonunun Katex kəndi ərazisində aşırıb.
Nəticədə Mollaçiyev və sərnişinləri Qax rayon sakinləri Rəşad Məmmədov, Pərviz Hüseynov, Xəlil Hacıyev, Zaqatala rayon sakinləri Ramin Əmirov, Məcid Qurbanov, Murad Məmmədov, Şaban Abdurəhmanov və Balakən rayon sakini Elcan Mehdiyev xəsarət alıb.
Onlar xəstəxanaya yerləşdiriliblər.
Mollaçiyev xəstəxanada dünyasını dəyişib. Digərlərinin vəziyyətləri isə qənaətbəxşdir.