Azərbaycan, Bakı, 14 may /Trend, müxbir K.Zərbalıyeva/
İsmayıllı-Qəbələ yolunda ağır yol qəzası baş verib.
Fövqəladə Hallar Nazirliyinin mətbuat xidmətindən Trend-ə verilən məlumata görə, İsmayıllı-Qəbələ avtomobil yolunun 4-cü kilometrliyində, İsmayıllı rayonu ərazisində "VAZ" markalı minik avtomobili aşıb. Qəzaya sürücünün idarəetməni itirməsi səbəb olub.
Nəticədə, avtomobildə olan 4 nəfər yaralanıb.
Onlardan ikisi deformasiyaya uğramış nəqliyyat vasitəsində sıxılmış vəziyyətdə qalıb.
Xilasedicilər yaralıları nəqliyyat vasitəsindən çıxarıb və aidiyyəti üzrə təhvil veriblər.
Yaralılar xəstəxanaya yerləşdiriliblər.