Azərbaycan, Bakı, 30 yanvar /Trend, müxbir K.Zərbalıyeva/
Bakıda mənzildən külli miqdarda pul oğurlayan şəxs tutulub.
Bakı Şəhər Baş Polis İdarəsindən Trend-ə verilən məlumata görə, yanvarın 24-də Gəncə prospektində yaşayan Aynurə Kazımovanın mənzilindən seyfi sındırma yolu ilə 5000 manat və qızıl-zinət əşyaları oğurlanıb.
Xətai Rayon Polis İdarəsinin 35-ci polis bölməsinin əməkdaşlarının keçirdikləri əməliyyat tədbirləri nəticəsində oğurluqda şübhəli bilinən Sərxan Sadıqzadə yanvarın 28-də yaxalanıb.
Faktla bağlı cinayət işi başlanıb, istintaq aparılır.