Azərbaycan, Bakı, 26 mart /Trend, müxbir T.Cəfərov/
İranın Nişapur şəhərinin Durud kəndində iki ay əvvəl baş vermiş zəlzələ nəticəsində zədələnmiş ev dağılıb, 6 nəfər ölüb, bir nəfər yaralanıb. Bu barədə Trend bazar ertəsi "Mehr" xəbər agentliyinə istinadən məlumat verir.
Məlumata əsasən, ölənlərdən üçü 6 yaşlı uşaqlardır.
Yanvar ayının sonlarında İranın Nişapur şəhəri yaxınlığında 5,5 bal gücündə zəlzələ baş vermişdi.