Azərbaycan, Bakı, 30 iyul / Trend müxbir K.Zərbalıyeva/
İstirahət günlərində Bakıda 5 nəfəri gün vurub.
Bakı Şəhər Təcili və Təxirəsalınmaz Tibbi Yardım Stansiyasından Trend-ə verilən məlumata görə, iyulun 28-də 3 nəfər, 29-da isə 2 nəfər günvurma ilə bağlı təcili yardıma müraciət edib.
Onlardan biri 12 yaşlı uşaq olub.
Stansiyadan bildirilib ki, günvuran şəxslərdən biri ağır vəziyyətdə Mərkəzi Klinik Xəstəxanaya yerləşdirilib. Həmin şəxs Abşeron Neft-Qaz Çıxarma İdarəsinin işçisi, 31 yaşlı kişi olub.
Digər gün vuran şəxslərə yerində ilkin tibbi yardım göstərilib.