Azərbaycan Ordusunun əsgəri silahla ehtiyatsız davrandığına görə hərbiçi yoldaşını yaralayıb

Azərbaycan, Bakı, 7 yanvar /Trend/

Azərbaycan Ordusunun əsgəri silahla ehtiyatsız davrandığına görə hərbiçi yoldaşını yaralayıb.

Müdafiə Nazirliyinin mətbuat xidmətinin rəis müavini Teymur Abdullayev Trend-ə bildirib ki, Müdafiə Nazirliyinin Qazax rayonunda yerləşən "N" saylı hərbi hissəsində Xaçmaz rayonundan hərbi xidmətə çağırılan 1993-cü il təvəllüdlü Ruslan Mirzə oğlu Şahbazovun tabeliyindəki avtomatdan ehtiyatsızlıqdan atəş açılıb.

Güllə onun əsgər yoldaşı, Yevlax rayonundan hərbi xidmətə çağırılan 1994-cü il təvəllüdlü Vahid Telman oğlu Ağabalazadəyə dəyib. Başından yaralanan əsgər hospitala yerləşdirilib. Onun vəziyyəti ağır qiymətləndirilir.