Azərbaycan, Bakı, 9 aprel /Trend, müxbir İ.İzzət/
Goranboy rayonu ərazisində "VAZ-21015" markalı avtomaşınla piyada vurulub.
Trend Daxili İşlər Nazirliyinin mətbuat xidmətinin məlumatına istinadən xəbər verir ki, aprelin 8-də saat 23.35 radələrində Goranboy rayonu ərazisində rayon sakini Faiq Quliyev idarə etdiyi "VAZ-21015" markalı avtomaşınla yolu keçən həmyerlisi Əzim Bağırovu vurub.
Nəticədə Bağırov aldığı xəsarətdən hadisə yerində ölüb.
Faktla bağlı Goranboy Rayon Polis Şöbəsində araşdırma aparılır.