Azərbaycan, Bakı, 3 oktyabr /Trend/
Trend Kəpəz TV-yə istinadən məlumat verir ki, Gəncədə 95 saylı apteki sentyabrın 29-dan 30-a keçən geçə qarət edərək 4 min 600 manat nəğd pul aparmış azyaşlı saxlanılıb.
Gəncə şəhər Baş Polis İdarəsindən verilən məlumata görə, oğurluğu törədən şəxs yetkinlik yaşına çatmayan, 1996-cı il təvəllüdlü azyaşlı, Cinayət Məcəlləsinin 127.1 - qəsdən sağlamlığa zərər vurma və 221 - xuliqanlıq maddələri ilə cinayət məsuliyyətinə cəlb edilib.
Xatırladaq ki, saxlanılan azyaşlı 3 həftə öncə aptekin yaxınlığında yerləşən ərzaq mağazasından da oğurluq edib. Oradan da 600 manat nəğd pul və 200 manat dəyərində müxtəlif markalı siqaret apardığı sübut olunub.