...

Azərbaycanda özlərini polis kimi təqdim edən quldur dəstəsinin üzvləri tutulub

Hadisə Materials 4 İyul 2014 13:16
Azərbaycanda polisi adından sui-istifadə edənlərin şəxsiyyətləri müəyyən edilib.
Azərbaycanda özlərini polis kimi təqdim edən quldur dəstəsinin üzvləri tutulub

Trend-i buradan izləyin

Azərbaycan, Bakı, 4 iyul / Trend, müxbir İlkin İzzət /

Azərbaycanda polisi adından sui-istifadə edənlərin şəxsiyyətləri müəyyən edilib.

Daxili İşlər Nazirliyinin (DİN) mətbuat xidmətindən Trend-ə verilən məlumata görə, iyulun 3-də Cəlilabad şəhər sakini Xəyal Həsənov Cəlilabad Rayon Polis Şöbəsinə (RPŞ) ərizə ilə müraciət edərək iyulun 1-dən 2-dək olan müddətdə həmyerliləri Sübhan İsayevin, Cavid Qurbanovun, Bəhram Kərimovun, Şahin Mahmudovun, Xəqani Əhmədovun və Zamiq Rzayevin onu "Silsilə" adlandırılan əraziyə aparıb tapança ilə hədələyərək 3500 manatını almaları, sonradan evinə gedib anası Səliqəyə özlərini polis əməkdaşları kimi təqdim edib ondan da 5000 manat almalarını bildirib.

İyulun 3-də Yardımlı rayon sakini Balaxan Əliyev Cəlilabad PŞ-yə ərizə ilə müraciət edərək iyunun 2-də saat 02 radələrində evinə gəlmiş şəxsiyyəti məlum olmayan 7 nəfərin özlərini polis əməkdaşları kimi təqdim edib onun oğlu Rabilin Cəlilabad şəhər sakini Xəyal Həsənova narkotik vasitə satmasını bildirərək tutulmaması müqabilində ondan 20000 manat tələb etmələrini bildirib.

Cəlilabad RPŞ əməkdaşlarının keçirdikləri əməliyyat-axtarış tədbirləri nəticəsində hadisəni törətmiş Cəlilabad rayon sakinləri Sübhan İsayev, Cavid Qurbanov, Bəhram Kərimov və Şahin Mahmudov tutulub, Xəqani Əhmədov və Zamiq Rzayevin tutulmaları üçün tədbirlər davam etdirilir.

Faktla əlaqədar cinayət işi başlanılıb.

Faktla Cəlilabad RPŞ tərəfindən araşdırma aparılır.

Məqalədə:
Xəbər lenti

Xəbər lenti