Bakı. Trend:
Belçikada kimyəvi məhsulların istehsal olunduğu müəssisədə partlayış baş verib.
Trend-in məlumatına görə, hadisə Limburq vilayətinin Tessenderlo kommunasında "Vynova" kimya müəssisəsində qeydə alınıb.
İlkin məlumata əsasən, hadisə nəticəsində zərərçəkən yoxdur. Lakin yerli hakimiyyət yaxınlıqda yaşayan sakinlərə evlərinin qapı və pəncərələrini açmamağı tövsiyə edib.
Partlayışın səbəbi hələ bilinmir.