Ağcabədi. Trend:
Ağcabədidə yük maşını ilə minik avtomoili toqquşub, 1 nəfər ölüb, 3 nəfər isə ağır xəsarət alıb.
Trend-in yerli müxbirinin xəbərinə görə, minik avtomobilinin sürücüsü 1979-cu il təvəllüdlü İmanov Allahverdi Yusif oğlu hadisə yerində ölüb.
Minik maşınında olan digər sərnişinlər - 1942-ci il təvəllüdlü İmanov Yusif Allahverdi oğlu,1948-ci il təvəllüdlü Nadirov Cəlilabad Əbdül oğlu və 1972-ci il təvəllüdlü Əhmədov Vüqar Cəmşid oğlu müxtəlif dərəcəli ağır xəsarətlər alıblar.
Yaralılar hadisə yerinə çağırılmış təcili tibbi yardımın iki briqadası vasitəsi ilə rayon xəstəxanasına çatdırılıblar.
Faktla bağlı araşdırma aparılır.
