Beyləqan. Trend:
Beyləqanda traktorla minik maşını toqquşub.
Trend-in xəbərinə görə, hadisə rayonun Şəfəq qəsəbəsi ərazisində qeydə alınıb.
Hərəkətdə olan "Niva" markalı avtomobil traktorla toqquşub.
Nəticədə, "Niva" markalı maşında sərnişin olan 1993-cü il təvəllüdlü Salmanlı Əlisahib Ramiz oğlu ağır dərəcəli xəsarət alaraq Beyləqan Mərkəzi Rayon Xəstəxanasına çatdırılıb.
Faktla bağlı araşdırma aparılır.