Bakı. Trend:
Fövqəladə Hallar Nazirliyinin “112” qaynar xəttinə Tovuz rayonunun Qovlar şəhərində yol qəzası barədə məlumat daxil olub.
Trend xəbər verir ki, FHN-in açıqlamasına əsasən, “Nissan Note” markalı minik avtomobili yoldan çıxaraq ağaca çırpılıb.
Nəticədə sürücü – 1994-cü il təvəllüdlü İbrahimova Əfsanə Məhəmməd qızı avtomobildə sıxılı vəziyyətdə qalıb.
Hadisə yerinə cəlb olunan FHN-in Tovuz rayon Yanğından Mühafizə Hissəsinin xilasediciləri xüsusi alətlərin köməyi ilə sürücünü çıxararaq təcili tibbi yardıma təhvil veriblər. Onun müxtəlif dərəcəli bədən xəsarətləri aldığı bildirilir.
Faktla bağlı araşdırma aparılır.