...

1 iyun - Uşaqların Beynəlxalq Müdafiəsi Günüdür (FOTO)

Maraqlı Materials 1 İyun 2016 16:10
Bu gün iyunun 1-i Uşaqların Beynəlxalq Müdafiəsi Günüdür.
1 iyun - Uşaqların Beynəlxalq Müdafiəsi Günüdür (FOTO)

Trend-i buradan izləyin

Bakı. Trend:

Bu gün iyunun 1-i Uşaqların Beynəlxalq Müdafiəsi Günüdür.

1950-ci il iyunun 1-də BMT Baş Assambleyası tərəfindən Uşaqların Beynəlxalq Müdafiəsi Günü kimi qeyd olunması qərara alınıb. Həmin gün təşkil olunan "Qadınların Beynəlxalq Konfransı"nda uşaq hüquqlarının təmin edilməsi ilə bağlı təkliflər səsləndirilib və elə bu tədbirdə də 1 iyun tarixini uşaqların beynəlxalq müdafiəsinə həsr etmək qərarı verilib. Bundan sonra iyunun 1-i Uşaqların Beynəlxalq Müdafiəsi Günü kimi tarixə düşüb. Dünyanın əksər ölkələrində olduğu kimi, bu gün Azərbaycanda da qeyd edilir.

Bu bayramla yanaşı, 1956-cı ildən noyabrın 20-i də Ümumdünya Uşaqlar Günü kimi qeyd olunur. "Ümumdünya Uşaqlar Günü" 1954-cü ildə BMT-nin Baş Assambleyasının №836 (IX) saylı qətnaməsində 1956-cı ildən bütün dövlətlərdə uşaqların şərəfinə keçirilməsi tövsiyyə olunan bayram kimi qeyd olunub.

Azərbaycan Prezidenti İlham Əliyev Azərbaycanda uşaqlara dövlət qayğısının gücləndirilməsi, uşaq problemlərinə vətəndaş cəmiyyəti qurumlarının diqqətinin artırılması və ölkənin uşaqlarla bağlı demoqrafik perspektivlərinin müəyyənləşdirilməsi məqsədi ilə 22 dekabr 2008-cil tarixli sərəncam imzalayıb. Sərəncama görə, 2009-cu il "Uşaq ili" elan olunmuşdu.

Trend-in məlumatına görə, bayram münasibətilə bu gün Dənizkənarı Milli Parkda uşaqların istirahəti üçün nəzərdə tutulmuş bütün obyektlər, yelləncəklər, dəniz turları uşaqlar üçün ödənişsiz təqdim edilib.

Məqalədə:
Xəbər lenti

Xəbər lenti