Bakı. Trend:
Hollivud aktrisası Merilin Monronun ABŞ-ın 35-ci prezidenti Con Kennedinin doğum günü mərasimində geydiyi paltar hərracda satılıb. Trend-in RİA Novosti agentliyinə istinadən verdiyi məlumata görə, paltar Los-Ancelesdə keçirilən hərracda 4,8 milyon dollara satılıb.
Bu paltarı M.Monro 1962-ci mayın 19-u Kennedinin 45-ci doğum günündə geyinmiş və bütün dünyada məşhurlaşmış "Happy Birthday Mr.President” mahnısını səsləndirmişdi.
Üç gün davam edəcək hərraca M.Monronun digər əşyaları - paltarlar, aksesuarlar və imzalı fotoları da çıxarılıb.