Bakı. Trend:
AFFA-nın təşkilatçılığı və UEFA-nın dəstəyi ilə keçirilən “D” kateqoriyalı məşqçi kursları başlayıb.
Trend xəbər verir ki, kurs AFFA-nın Təhsil və Reabilitasiya Mərkəzində təşkil olunub və ona 20-dən çox şəxs cəlb edilib.
AFFA-nın Kütləvi Futbol Departamentinin rəhbəri Fərrux İsmayılov və mütəxəssis Orxan Mikayıllı iştirakçılara kursun məqsədi və əhəmiyyəti barədə ümumi məlumat verərək, onlara uğurlar arzulayıblar.
Kursun ilk günündə AFFA-nın məşqçi kurslarının təlimatçıları İlham Əzizzadə, Dəyanət Əliyev və Fərrux İsmayılov iştirakçılara ilkin futbol bilikləri ilə bağlı məlumat təqdim ediblər.
Qeyd edək ki, kurs 3 gün davam edəcək.