Azərbaycan, Bakı, 26 iyun /Trend, müxbir M.Əliyev/
Ermənistan ordusu Azərbaycanın Silahlı Qüvvələr Günündə atəşkəsi dörd istiqamətdə pozub.
Müdafiə Nazirliyi mətbuat xidmətindən şənbə günü Trend-ə bildiriblər ki, Ermənistan silahlı qüvvələrinin bölmələri iyunun 25-də saat 08:05-dən 08:35-dək, saat 14:05-dən 14:25-dək, saat 16:15-dən 16:45-dək Goranboy rayonu ərazisindəki adsız yüksəkliklərdən, Gülüstan və Tapqaraqoyunlu kəndləri yaxınlığında yerləşən mövqelərdən atəşkəsi pozublar.
İyunun 25-i saat 17:05-dən 17:15-dək, saat 21:30-dan 21:45-dək, saat 23:50-dən 00:15-dək; iyunun 26-da saat 00:23-dən 00:45-dək Füzuli rayonu ərazisindəki adsız yüksəkliklərdən, Aşağı Əbdülrəhmanlı və Aşağı Seyidəhmədli kəndləri yaxınlığında yerləşən mövqelərdən; iyunun 25-də saat 09:40-dan 09:55-dək Cəbrayıl rayonu ərazisindəki adsız yüksəkliklərdə yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Ermənistan ordusu, həmçinin, iyunun 26-da saat 01:30-dan 01:48-dək Xocavənd rayonu ərazisindəki adsız yüksəkliklərdə yerləşən mövqelərdən, saat 04:20-dən 05:10-dək Ağdam rayonunun Tağıbəyli kəndi yaxınlığında yerləşən mövqelərdən; iyunun 26-da saat 00:40-dan 01:40-dək Tərtər rayonunun Çaylı, Həsənqaya, Yarımca, Qızıloba, Seysulam kəndləri yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Düşmən cavab atəşi ilə susdurulub.