Azərbaycan, Naxçıvan, 17 aprel / Trend ,muxbir E.Məmmədov/Naxçıvan şəhərində yol hərəkəti qaydalarına nəzarəti gücləndirmək məqsədilə böyük küçələrdə və prospektlərdə kameralar yerləşdirilib. Bu barədə cümə axşamı Trend a Naxçıvan Muxtar Respublikası Daxili İşlər Nazirliyindən məlumat verilib.
Azərbaycan paytaxtında ötən ildən başlayaraq magistral yollarda 30-dan artıq kamera quraşdırılıb. Yol hərəkəti qaydalarına nəzarəti gücləndirmək məqsədilə il ərzində Azərbaycanın digər regionlarında da kameralar quraşdırılacaq.
Naxçıvan MR DİN-dən bildiriblər ki, kameraların yerləşdirilməsində əsas məqsəd yol hərəkəti qaydalarına intensiv nəzarət etmək, Naxçıvan şəhərində nəqliyyatın təhlükəsizliyini təmin etməkdir. Hazırda Naxçıvan şəhərindəki Heydər Əliyev prospektində və şəhərin İstiqlal, Əziz Əliyev, Atatürk, İslam Səfərli və Nizami küçələrində yol hərəkəti qaydalarına nəzarət quraşdırılmış kameralar vasitəsilə həyata keçirilir.
Aprelin sonuna kimi digər küçələrdə də belə kameraların quraşdırılması nəzərdə tutulub.
Məqalə müəllifi ilə əlaqə ünvanı: [email protected]