Azərbaycan, Bakı, 19 iyun/ Trend , müxbir E.Babayev/ Azərbaycanda yeni siyasi partiyanın yaradılması qarşıdan gələn prezident seçkisinə qədər baş tutması üçün iş aparılır. "Biz artıq 11 nəfərdən ibarət Təşkilat Komitəsi yaratmışıq və seçkiyə qədər tərkibi elan etmək üçün müzakirələr aparırıq" - deyə cümə axşamı Trend -a Təşkilat Komitəsinin üzvü Aydın Quliyev bildirib.
Trend -un arayışı: Sağ təmayüllü partiya olan ADP 1991-ci ildə Sərdar Cəlaloğlu tərəfindən təsis edilib. Partiya bu ilin yanvarınadək iqtidara qarşı radikal müxalif mövqedə olub. Yanvarda ADP-nin hakimiyyətlə dialoq qurulması ilə bağlı yeni siyasi kursu qəbul edilib. Buna etiraz edən keçmiş sədr Rəsul Quliyev və tərəfdarları, o cümlədən Quliyev ADP-dən imtina edərək, özlərinin Açıq Cəmiyyət Partiyasını (ACP) yaradıblar.
Sağ mərkəzçi, müxalifətyönlü ACP 2007-ci ilin aprelində təsis olunub. Bundan sonra Quliyev partiya rəhbərliyi ilə yaranan problemə görə ACP-ni tərk edib.
Quliyev Təşkilat Komitəsində kimlərin təmsil olunduğunu açıqlamayıb. "Burada indiyə qədər siyasətdə olan və ümumiyyətlə, siyasətlə məşğul olmayan elm admaları var" - deyən Quliyevin sözlərinə görə, yeni yaranacaq partiyanın maliyyə problemi tam həll olunmayıb. O ümid edir ki, fəaliyyətə başlayandan sonra, daxili imkanlar hesabına, bu iş müəyyən qədər həllini tapacaq: "Seçkiyə qədər Təşkilat Komitəsini elan edə bilsək, seçki ilə bağlı kollegial qərarımız olacaq. Seçkiyə qədər bu baş verməsə, Təşkilat Komitəsi ayrı-ayrılıqda mövqelərini ifadə etməkdə sərbəst olacaqlar" - deyə o əlavə edib.
Məqalə müəllifi ilə əlaqə ünvanı: [email protected]
