Azərbaycan, Bakı, 04 oktyabr /
Trend / Oktyabrın 4-də prezident
İlham Əliyev Horadiz şəhərində tibb
mərkəzinin tikintisinin gedişi ilə tanış olub.
Dövlət başçısı mərkəzin baş planına baxıb.
Tikintinin təməli bu ilin aprelində prezident İlham
Əliyev tərəfindən qoyulub. Gələn
il istifadəyə veriləcək üç korpusdan
ibarət mərkəzdə qəbul otağı, stasionar
şöbə, rentgen kabineti, laboratoriya, əməliyyat bloku,
reanimasiya və doğum şöbələri olacaq.
Mərkəzin daimi elektrik enerjisi təchizatı, qazanxana
və camaşırxanası olacaq. İnşaat
işlərində yerli sakinlər çalışır.
Dövlət Neft Şirkətinin vəsaiti hesabına
tikilən və ən müasir tibbi avadanlıqla təchiz
ediləcək mərkəzdə ətraf
bölgələrdən gələnlərə də tibbi
xidmət göstəriləcək.
Prezident İlham Əliyev tikinti işlərinin keyfiyyətlə
və vaxtında başa çatdırılması ilə
bağlı tapşırıqlarını verib. Eyni zamanda,
bildirib ki, rayondaxili yolların, o cümlədən Horadiz
şəhərini 4 kəndlə birləşdirən yolun
bərpası, rayon icra hakimiyyəti üçün yeni
binanın tikintisi, evlərin bərpası və digər vacib
məsələlərin həlli üçün
əlavə vəsait ayrılacaq.
Məqalə müəllifi ilə əlaqə: [email protected]