...

İranın Mazandaran vilayətində bəhailərin qəbiristanlığı dağıdılıb

Siyasət Materials 28 Oktyabr 2008 15:36 (UTC +04:00)

Trend-i buradan izləyin

İran, Tehran, 28 oktyabr / Trend Ne , müxbir A.Namdari / İranın Təhlükəsizlik Qüvvələri bu ölkənin şimalında yerləşən Mazandaran vilayətinin Qaimşəhr şəhərində yerləşən bəhailərin "Cavid Gülüstan" qəbiristanlığını dağıdıblar. Bu barədə İranın İnsan Haqları üzrə bir neçə təşkilatı məlumat yayıb.

Qəbiristanlıqdakı qəbirlərin 80 %-i dağıdılıb. Bundan öncə İranın İsfahan şəhərində də bahailərin qəbiristanlığı dağıdılmışdı. Lakin bu dağıntıların miqyası ötən illər ərzində baş vermiş analoji hallarla müqayisədə daha geniş olub.

1979-cu il İran İnqilabından sonra, BMT dəfələrlə İranda yaşayan bəhailərin vəziyyətindən narahat olduğunu bildirib.

Bəhailərin BMT-dəki nümayəndəsi Diyana Əlayi Trend -a müsahibəsində bildirib ki, son 30 il ərzində İranda 200 nəfərdən çox bəhai edam olunub. Əlayi İranda bəhai cavanlarının universitetlərdə və dövlət strukturlarında çalışmalarına qadağa qoyulduğunu da bildirib.

BMT Baş katibi Pan Gi Mun ötən həftə öz məruzəsində İranda insan haqları ilə bağlı narahatlığını bildirib və rəsmi Tehranı qadın hüquqları və dini azlıqların hüquqlarının bərpası istiqamətində islahatlar aparmağa çağırıb.

Avropa İttifaqı və ABŞ konqresi də dəfələrlə İrandan dini azlıqların hüquqlarının bərpasını tələb ediblər.

İranın Bəhai İcmasının rəhbərindən Behruz Təvəkkülü, Səid Rzayi, Fəriba Kamalabadi, Vəhid Tizfəhm, Cəmaləddin Xanxani və Əfif Nəim ötən ilin mart ayında İran Təhlükəsizlik Qüvvələri tərəfindən həbs ediliblər və indiyə qədər də azadlığa buraxılmayıblar.

İran qanunlarına əsasən, bəhailər mürtəd (dindən dönmüş) sayılırlar. İran Konstitusiyasında məsihilər və zərdüştilər kimi dini azlıqların hüquqları tanınsa da, bəhailərin hüquqları tanınmır.

İranda digər dini azlıqlardan fərqli olaraq Bəhai İcmasının parlamentdə də təmsilçisi yoxdur.

Məqalə müəllifi ilə əlaqə ünvanı: [email protected]

Xəbər lenti

Xəbər lenti