Qəzzadakı hərbi əməliyyatlar Həmas-a qarşı yox, dinc fələstinlilərə qarşıdır - FƏTH mətbuat katibi
Azərbaycan, Bakı, 28 dekabr / Trend , müxbir R.Hafizoglu/ İsrailin Qəzza zolağında həyata keçirdiyi hərbi əməliyytlar zamanı Həmas təşkilatının üzvlərindən çox, dinc əhali əziyyət çəkir.
"Qəzzadakı hərbi əməliiyyatlar Həmas-a qarsı yox, dinc fələstinlilərə qarşıdır", - deyə, Fələstindəki hakim FƏTH partiyasının mətbuat katibi Fəhmi Zəarir bazar günü Ramallahdan telefonla Trend - a bildirib.
Zəaririn fikrincə, İsrail Qəzzada fələstinlilərə qarşı soyqırım həyata keçirir. "İsrail Həmas düşərgələrinə dəqiq zərbələr endirməklə mülki vətəndaşların itkisinin qarşısını ala bilərdi", -deyə, o əlavə edib.
Onun fikrincə, Israil rəsmiləri Qəzzadakı hərbi əməliyyatlar zamanı dinc sakinlərin ölümünə görə ən azı Həmas qədər məsuliyyət daşıyırlar.
"İsrail Qəzzada keçirdiyi hərbi əməliyyatları dayandırmasa, müharibə daha geniş əraziləri əhata edəcək", -deyə, Zəarir əlavə edib.
Dünən günorta saatlarından İsrailin hərbi hava qüvvələri Qəzza zolağını raket atəşinə tututblar. 19 dekarbrda Həmas təşkilatı və Israil arasında müvəqqəti atəşkəsin başa çatmasından sonra Həmas 4 fələstinlililin qətlinə cavab olaraq Israilin Sederot va Aşkelon yaşayış məntəqələrini raket atəşinə tutub.
Israilin dekabrın 27-də keçirdiyi hərbi əməliyyatlar zamanı 271 nəfər həlak olub, 700 nəfər isə yaralanıb.
Həmas təşkilatının Qəzzadakı mətbuat xidmətindən Trend -a verilən məlumata görə, ölən və yaralananların əksəriyyəti qadın və uşaqlardır.
