Azərbaycan, Bakı, 21 yanvar / Trend , müxbir S.Kazımlı/ Azərbaycanın paytaxtında ögey qızını zorlayan atanın barəsindəki cinayət işi məhkəməyə göndərilib.
Suraxanı rayon məhkəməsindən çərşənbə günü Trend -a verilən məlumata görə, Cinayət Məcəlləsinin seksual xarakterli hərəkətlərə məcburetmə (151-ci) maddəsi ilə ittiham olunan Əli Əzimovun məhkəməsi yaxın günlərdə başlayacaq.
Əzimovun ögey qızı Təhminə Məmmədova (ad şərtidir) ötən ilin iyununda Suraxanı rayon Polis İdarəsinin 31-ci polis bölməsinə müraciət edərək bir evdə yaşadığı atalığı Əzimov tərəfindən zorlanması və ondan hamilə qalması barədə bildirib.
Onun şikayətindən sonra faktla bağlı rayon Prokurorluğunda cinayət işi başlanıb və Əzimov barəsində həbs qətimkan tədbiri seçilib.
Cinayət işinin istintaqı Bakı şəhər Prokurorluğunda aparılıb.
Məqalə müəllifi ilə əlaqə ünvanı: [email protected]