...

Qərb Sahilindəki hökumət Fələstin birliyinə mane ola bilər – Fələstin Muxtariyyəti prezidentliyinə keçmiş namizəd

Siyasət Materials 16 May 2009 14:51 (UTC +04:00)

Azərbaycan, Bakı, 16 may / Trend , müxbir Ü.Sadıxova /

Yeni Fələstin hökumətinin formalaşdırılması Qərb Sahili və Qəzzqa Zolağının azad şəkildə birləşməsinə mane ola bilər. Bu barədə Fələstin Milli Təşəbbüsünün rəhbəri Mustafa Bərquti hesab edir.

"Ən başlıcası Fələstin qruplaşmalarının birləşdirilməsidir, lakin yeni hökumətin formalaşdırılması [Qərb Sahilində] buna mane ola bilər və biz buna yol verməməliyik", - deyə Trend -a telefonla Fələstin Administrasiyası prezidentliyinə keçmiş namizəd Bərquti bildirib.

Şənbə günü Qahirədə Fələstinin hakim FƏTH partiyası ilə 2007-ci ildən Qəzza Zolağına nəzarət edən HƏMAS müqavimət hərəkatı arasında danışıqların üçgünlük raundu öz işinə başlayacaq. Danışıqların aparılmasında məqsəd FƏTH və HƏMAS-ın, həmçinin digər partiya üzvlərinin daxil olacağı vahid Fələstin dövlətinin yaradılmasıdır.

Lakin cümə axşamı Fələstin Muxtariyyətinin sabiq Baş naziri Səlim Fəyyad Nazirlər Kabinetinin yeni tərkibinin formalaşdırıldığını və bunun muxtariyyət prezidenti Mahmud Abbas tərəfindən tapşırıldığını bildirib.

Milli dialoqda iştirak edən Fələstin partiyalarının başlıca tələblərindən biri Fəyyad hökumətinin buraxılması idi ki, bunun nəticəsində də apreldə o, istefa verdi.

HƏMAS Siyasi Bürosunun rəhbəri Xalid Məşəl Fəyyad hökumətini baykot etdiklərini və FƏTH-in milli dialoqun bütün razılaşmalarına riayət etməli olduğunu bildirib. Xəbəri cümə günü "Al Jazeera" yayıb.

Lakin FƏTH-in muxtariyyətin qanunverici orqanında olan nümayəndələri bildiriblər ki, Fəyyad hökuməti qanunverici və konstitusiya hüquqlarına malik deyil.

Bərquti hesab edir ki, milli dialoq zamanı bir çox məsələlər həll olunub və əsas məsələ FƏTH ilə HƏMAS-ın demokratiya prinsipləri əsasında danışıqlar aparmağa başlamasıdır.

"Böyük irəliləyiş əldə olunub [FƏTH və HƏMAS arasındakı sülh danışıqlarında], lakin məsələ qruplaşmaların (FƏTH və HƏMAS) sülh sazişini imzalamaq istəklərinin və iradələrinin nə dərəcədə olması və onların xarici təzyiqə necə müqavimət göstərə biləcəklərindədir", - deyə Bərquti bildirib.

FƏTH və HƏMAS-ın milli dialoqu İsrailin Qəzza Zolağında HƏMAS üzvlərinə qarşı apardığı 22 günlük hərbi əməliyyatlarından sonra bərpa olunub. Bu əməliyyatlar nəticəsində 1300-dən çox fələstinli həlak olmuşdu.

Milli Fələstin dialoqu və HƏMAS ilə İsrail arasında aparılan danışıqlarda vasitəçi kimi çıxış edən Misir iki il düşmənçilik edən Fələstin partiyalarını İsrail hücumlarının qarşısını almaq məqsədilə milli hökumət yaratmağa çağırıb.

FƏTH-in Qahirədə aparılan danışıqlardakı nümayəndə heyətinin rəhbəri Nabil Şaat Qahirədən telefonla Trend -a bildirib ki, danışıqların yeni raundunda FƏTH və HƏMAS-ın daxil olacağı müdafiə qüvvələri üzrə komitənin yaradılması güman olunur.

Şaat Fələstin partiyaları arasında aparılan danışıqlarda milli dialoqun uğursuzluqla nəticələnəcəyinə gətirib çıxara biləcək ciddi problemlərin olduğunu təkzib edib.

Məqalə müəllifi ilə əlqə ünvanı: [email protected]

Xəbər lenti

Xəbər lenti