Livan Azərbaycan ilə əməkdaşlığın inkişafını vacib sayır – Saad əl-Həriri
Azrbaycan, Bakı, 3 may /Trend, müxbir Ü.Sadıxova/
Livan Azərbaycanla ikitərəfli əməkdaşlığın inkifafını vacib hesab edir və hər iki ölkənin dövlət strukturları rəhbərlərinin və iş adamları arasında görüşlərin təşkil ediməsinin, o cümlədən hər iki tərəfi maraqlandıran sahələrdə əməkdaşlıq haqqında razılaşma layihələrinin hazırlanmasının zəruriliyini qeyd edir. Bu barədə Livanın Baş naziri Saad əl-Həriri Azərbaycanın Suriyadakı səfiri, həmçinin Livanda akkreditə olunmuş səfiri Mahir Əliyevlə görüşdə bildirib.
Livanın Baş nazirinin qərargahında keçirilən görüş zamanı Azərbaycan səfiri əl-Həririni Azərbaycanda baş verən proseslər, siyası, iqtisadi və sosial sahələrdə keçirilən islahatlar, ölkənin xarici siyası kursu, İslam Konfransı Təşkilatına üzv ölkələrlə əlaqələr, o cümlədən Ermənistan-Azərbaycan, Dağlıq Qarabağ münaqişəsnin nizamlanması prosesi barədə məlumatlandırıb.
Əl-Həriri Livanda səfirlik açılması barədə qərarın qəbul edilməsinə görə Azərbaycan Prezidenti İlham Əliyevə minnətdarlığını bildirib. O, Azərbaycanın bu cür addımını ölkəsinə siyasi və mənəvi dəstək kimi qiymətləndirib.
Livanın Baş naziri Azərbaycana səfər etmək və ölkə ilə daha yaxından tanış olmaq istəyini bildirib.
Səfirlikdən verilən məlumata görə, Azərbaycanın səfiri Livan səfəri zamanı Livanın XİN rəbəri Əli əş-Şami, gənclər və idman naziri Əli Abdullah, energetika naziri Cubran Basil, mədəniyyət naziri Səlim Varda və dövlət naziri əl-Həssar ilə də görüş keçirib.
Keçirilən görüşlər zamanı Livanın rəsmi şəxsləri Azərbaycan ilə əməkdaşlığın inkişafında maraqlı olduqlarını bildiriblər. Ölkənin rəsmi şəxsləri Ermənistan-Azərbaycan, Dağlıq Qarabağ münaqişəsinin Azərbaycanın ərazi bütövlüyü çərçivəsində həll edilməsinin tətəfdarı olduqlarını qeyd ediblər.
