Azərbaycan, Bakı, 23 oktyabr/Trend, müxbir T.Hacıyev/
Azərbaycanda keçiriləcək parlament seçkilərinin gedişini 581 beynəlxalq müşahidəçi izləyəcək. Bu barədə şənbə günü Azərbaycan Mərkəzi Seçki Komissiyasının (MSK) iclasında komissiya sədri Məzahir Pənahov deyib.
Onun sözlərinə görə, seçkilərin gedişini izləmək üçün 1655 yerli müşahidəçi qeydiyyatdan keçib, dairə seçki komissiyalarında isə 17633 müşahidəçi qeydə alınıb.
Azərbaycanda parlament seçkiləri noyabr ayının 7-də keçiriləcək.
Bundan əvvəlki seçkilər 2005-ci ilin noyabr ayında keçirilib. Azərbaycanda parlament seçkiləri majoritar sistem üzrə 125 seçki dairəsində aparılır.