Azərbaycan, Bakı, 13 may /Trend, müxbir K.Zərbalıyeva/
ABŞ-Azərbaycan hərbi əməkdaşlıq məsələlərinin mövcud vəziyyəti müzakirə olunub.
Müdafiə Nazirliyinin mətbuat xidmətindən cümə günü Trend-ə verilən məlumata görə, mayın 13-də Azərbaycanın müdafiə naziri general-polkovnik Səfər Əbiyev ABŞ Nəqliyyat Komandanlığının komandanı general Dunkan Maknabı qəbul edib.
Görüş zamanı ikitərəfli hərbi əməkdaşlıq məsələlərinin mövcud vəziyyəti və inkişaf perspektivləri müzakirə olunub.
Görüşdə ABŞ-ın Azərbaycandakı səfiri Metyu Brayza da iştirak edib.