Azərbaycan, Bakı, 18 iyun /Trend/
Azərbaycanın Daxili İşlər Nazirliyinin (DİN) Şəxsi Heyətlə İş İdarəsinin rəisi vəzifəsinə yeni təyinat olub.
Hüquq-mühafizə orqanlarından şənbə günü Trend-ə bildirilib ki, daxili işlər naziri Ramil Usubovun əmri ilə Rahib Qarayev Şəxsi Heyətlə İş İdarəsinin rəisi vəzifəsinə təyin olunub.
Qarayev bundan öncə idarənin rəis müavini vəzifəsində çalışıb.
DİN-in mətbuat xidməti Trend-ə məlumatı təsdiqləyib.
Bir neçə gün öncə Şəxsi Heyətlə İş İdarəsinin rəisi Mehman Mehmanov daxili işlər orqanlarında qulluqkeçmənin son yaş həddi ilə bağlı təqaüdə göndərilib.