Azərbaycan, Bakı, 28 mart /Trend/
Azərbaycan Prezidenti İlham Əliyevin Seulda keçirilən Nüvə Təhlükəsizliyi Sammitində iştirak etmək üçün martın 26-27-də Koreya Respublikasına işgüzar səfəri zamanı Koreya Respublikasının müxtəlif nüfuzlu nəşrləri Azərbaycan Respublikasına və Prezident İlham Əliyevin fəaliyyətinə böyük maraq göstəriblər.
Trend-in AzərTAc-a istinadən yaydığı məlumata görə, Koreya Respublikasında 1985-ci ildə təsis edilən və ingilis dilində böyük tirajla nəşr olunan nüfuzlu "The Korea Post" jurnalı Azərbaycan Prezidenti İlham Əliyevin fotoşəkli ilə birgə geniş tərcümeyi-halını dərc edib.
Jurnalda Prezident İlham Əliyevin zəngin ictimai-siyasi və dövlətçilik fəaliyyəti geniş şəkildə işıqlandırılıb.