Azərbaycan, Bakı, 24 aprel / Trend müxbir A.Tağıyeva/
İraqın sabiq vitse-prezidenti Tariq əl-Haşimi İraqın gələcəyinin təhlükə altında olduğunu bildirib. Trend-in məlumatına görə, bu barədə Türkiyənin Anadolu agentliyi xəbər verib.
"İraqın gələcəyi təhlükə altındadır və bu ölkədə baş verən siyasi proseslər qonşu ölkələrə və xüsusən Türkiyəyə təsir edə bilər", - Haşimi deyib.
O, həmçinin qeyd edib ki, İraqdakı siyasi çaxnaşma ölkəni məzhəblərarası toqquşmaya apara bilər.
Keçən ilin dekabrında İraqın sabiq vitse-prezidenti Tariq əl-Haşiminin həbsinə order verilib. Haşimi "terror fəaliyyətində" əli olmaqda şübhəli bilinir.
Haşimi uzun müddət İraqın şimalındakı kürd administrasiyasında sığınacaq tapsa da, bir ay əvvəl Səudiyyə Ərəbistanına gedib.